Program for Open dag:
- Velkomst og kort presentasjon av lektorutdanninga ved Universitetet i Bergen.
- Kort orientering om praksis i lektorutdanninga.
- Lektorstudentar frå alle lektorprogramma fortel frå studiekvardagen, både fagleg og sosialt, og om sine erfaringar frå praksis i skulen.
- Omvising på aktuelle delar av universitetsområdet.
Merk at dette arrangementet er i fellesskap med dei andre lektorprogramma på UiB.
Om studiet
Med lektorutdanning i sosiologi vil du kunne hjelpe elevane å forstå samfunnet rundt dei i ei tid med store omskiftingar. I sosiologifaget lærer du om alle slags relasjonar mellom menneske, både på det lokale, nasjonale og globale nivå. På lektorprogrammet vil vi diskutere spørsmål som: Kva er bakgrunnen for og konsekvensane av
- aukande sosiale forskjellar
- klimakrise
- kjønnsforskjellar
- migrasjon
- globaliseringsprosessar
Gjennom studiet får du undervisningskompetanse i to fag:
- Du skriv masteroppgåve i sosiologi
- Det andre undervisningsfaget kan vere enten engelsk, nordisk, fransk, tysk, spansk, historie eller religionsvitskap.
Du får eit solid grunnlag i begge undervisningsfaga, som er sentrale skulefag, og lærer kritisk refleksjon rundt fag, undervisning og læring.
I tillegg inneheld studiet 30 studiepoeng pedagogikk (korleis vi lærer bort og oppdrar), 30 studiepoeng fagdidaktikk (djupare refleksjon kring faget og korleis vi underviser fag) og 100 dagar praksis i ungdom- og vidaregåande skole.
Du kan reise på utveksling i fjerde eller sjette semester.
